Sámi allaskuvla lea ovttasráđiid Romssa ja Finnmárkku Stádahálddašeddjiin mearridan maŋidit Sámi mánáidgárdekonferánssa.
Sámi mánáidgárdekonferánsa lágiduvvo de miessemánu 4. ja 5.beaivvi 2022:s, Diehtosiiddas, Guovdageainnus.
Ágga maŋideapmái lea go Romssas ja Finnmárkkus lea ollu covid-19-njoammun dál, ja earenoamážit sámi mánáidgárddit gártet hearkkes dillái jus ollu olbmuide njoammu dávda oktanis, čuožžu allaskuvlla neahttasiiddus.
– Mii šállošit go dilli šattai nu. Mii almmuhit mánáidgárdekonferánssa ođđasit giđa beallái.