Gaskavahkku maŋŋelgaskabeaivvi almmuhuvvo njoammuneastadanbagadus mánáidgárddiide, dieđihit Álbmotdearvvašvuođainstituhtta (FHI) ja Oahppodirektoráhtta.
– Bagadus boahtá gaskavahkku diibmu 16, dadjá Oahppodirektoráhta golahallanráđđeaddi Linda Sørfjord NTB:i.
Njoammuneastadanbagadus galggai álgovuorus boahtit duorastaga, muhto oallugat leat reageren go de ii livčče mánáidgárdebargiin leamaš eará go okta bargobeaivi ráhkkanit rahpat fas mánáidgárddiid.
Ráđđehus almmuhii cuoŋománu 7. beaivvi ahte mánáidgárddit rahppojit fas mánnodaga cuoŋománu 20. beaivvi.
Leat Álbmotdearvvašvuođainstituhtta ja Oahppodirektoráhtta main lea váldoovddasvástádus ráhkadit bagadusa mii galgá addit láidestusa movt njoammunsuodjalus galgá vuhtii váldot go mánáidgárddit fas rahppojit.
– Dan barggu oktavuođas mii leat gulahallan ollu dan suorggi guovddáš aktevrraiguin, dadjá Sørfjord.
