Odne sáddegoahtá NRK Sápmi ođđa neahttaráiddu mánáid várás. Ráiddus galget golmmas čoavdit ipmaša.
Odne sáddegoahtá NRK Sápmi ođđa neahttaráiddu mánáid várás. Ráiddus galget golmmas čoavdit ipmaša.
Imaš lea NRK TV-ráidu, mas dáhpáhuvvet veahá makkárge ipmašat, ja dat lea 6-12-jahkásaččaid várás, čállá NRK Sápmi preassadieđáhusas.
Čovdet ipmaša
Dás mii oahpásmuvvat Ole Máhttii, Sárai ja Levii, geat geahččalit čoavdit ipmaša gosa nieida lea šaddan go ii dihtto gostege.
Jos dát golmmas nagodit čoavdit ipmaša, de besset miellahttun čiegus Imaš-searvái.
23 prográmma
Čoavddedettiin ipmaša fertejit váldit oktavuođa daiguin, geaid váruhit juoga dahkamuš áššiin. Maiddái fertejit čoavdit kodaid ja birget hástalusaiguin, mat gáibidit návccaid.
Ráiddus leat 23 prográmma ja dat sáddejuvvojit NRK TV:s gaskavahkuid ja lávvardagaid miessemánu 22. beaivvi rájes.
Jearahallan mánáid miehtá Sámi
Ráidu lea ráhkaduvvon sámemánáid jearahallamiid vuođul, mat leat dahkkon Snåase rájes gitta Girkonjárgga rádjái.
– Sávvat ahte nákcet čohkket olles bearraša dán imašmátkái, lohká NRK Sámi mánáidredaktevra Norleif Krokmo preassadieđáhusas.