«Marja ja Magedragen» lei dan jagáš Davvi-Norgga Feastariemuid loahpaheapmi.
«Marja ja Magedragen» lei dan jagáš Davvi-Norgga Feastariemuid loahpaheapmi.
Dát musihkkateáhterbihttá man nuorra neavttár Sarakka Gaup ja dán jagáš Feastariemuidprofiila Georg Buljo ovttas leaba čállán, čájehuvvui vuosttaš geardde lávvardaga Davvi-Norgga Feastariemuid maŋimuš eahkeda.
Liikojedje
Telte lei dievva, olusat ledje boahtán geahččat «Marja ja Magegedragen», mii lea muitalus sámenieida birra gii jođii eatnama siskkobeallái. Musihkkas lei eanas juoigan. Mánát liikojedje bihttái, nu maiddái Frida, Amund ja Elle, geat ledje boahtán geahččat bihtá.
– Min mielas lei hui gelddolaš, lei nu fiinnis gullat go neavttárat juoiggaiga ja ledje fiinna šuoŋat, dadje dát golbma sámemáná.
Sihke muitalusat, juoigan ja musihkka
Sarakka oaččui hui buori oktavuođa mánáiguin go jearai mánáin movt sii gálget čoavdit dehe dahkat go váttisvuođat čuožžilit. Sámenieida gávdná stuora spáppa ja dat ipmirda elliid giella. Loddi muitalii dehe savkalii niidii ahte spáppa lea eatnama siskkobealde. “Magedragen” orui eatnan siste ja gálgái doalahit eatnama dehe máilmmi ovttas. Bihtás lonohalle gaskkal muitaleami, juoigama ja čuojaheami. Bihttá čájehuvvui guktii mannan lávvardaga, sámegillii ja dárogillii.
Čállán ja govven: Mikkel-Per Sara