-Almmuhus-
-Almmuhus-
OĐĐASAT Mánáid oaggungovvagilvu loahpahuvvo

Mánáid oaggungovvagilvu loahpahuvvo

-

-

Dán vahkku vuorbáda Ávvir dán vahkku guollegova ja skeaŋkakoartta vuoiti. 

Dál loahpaha Ávvir mánáid geassegilvu masa guollegovaid sáhtii sáddet.

Dán gilvvus lea vuorbáduvvon vahkkosaččat oaggunstávrá ja loahpas vuorbáduvvui maid skeaŋkakoarta buohkaid gaskka geat leat searvan gilvui.  

 

Maŋemuš oaggunstávrávuoiti

Dán jagáš maŋemus guollegovva vuoiti lea Káijá Boine Aslaksen.

Káijá eadni, Monica Jullum Boine, muitala ahte Káijá lea áŋgiris oaggu, ja lea oggon unnivuođa rájes. 

– Son gal lea leamaš hirbmat áŋgir oaggut dan rájes go lei unni.

Monica ii lean mielde go gottii guoli, muhto lohká ahte Káijá lei hui rámis go ollii bartii ja čájehii guoli. 

– Mun in lean mielde, soai leigga áhčiin eahketmátkkis oaggume ja unnán guolli lei. Muhto go bođii bartii, de lei hirbmat rámis. 

 

Ieš háliidan searvat gilvui

Eadni muitala ahte son ieš háliidii searvat gilvui, ja nu de sáddiiga gova. 

– Lei ieš gii háliidii ahte galgá sáddejuvvot Ávvirii.

 


Julie Solbakken, skeaŋkakoartavuoiti. Govva: priváhta

Skeaŋkakoartavuoiti 

Julie Solbakkena eadni Tina solbakken Eira muitala ahte Tina illuda sakka go lea vuoitán skeaŋ­kakoartta. 

– Man somá, dál gal šaddá hui ilolažžan, go dan vuittii. 

 

Ollu govat 

Dán jagi  ledje 43 gova sáddejuvvon Ávvirii, ja mii giitit buohkaid geat leat searvan gilvui.

- Advertisement -
-Almmuhus-