Álggos leat golbma gažaldaga, jus daid máhtát, de manat viidáseappot gilvvus.
Álggos leat golbma gažaldaga, jus daid máhtát, de manat viidáseappot gilvvus.
Namma: Aili Keskitalo
Ahki: 46
Guovlu: Guovdageaidnu
Bargu: Sámedikkepresideanta
1. Mii lea joga namma mii golgá Londona čađa?
– Dat lea Themsen. RIEKTA!
2. Mo lea loahppa dán sátnevádjasis: «Áigi lea buoremus…»?
– Hm.. Áigi lea buoremus
oahpaheaddji. RIEKTA!
3. Masa geavahat jiehkku?
– Jiehkku? Na neaskimii, gámas
neaskimii. RIEKTA!
Keskitalo máhtii visot golbma gažaldaga, ja son de oažžu liigegažaldagaid. Son sáhttá válljet ruoná liigegažaldaga mii addá 1 čuoggá, dahje válljet rukses gažaldaga mii addá 3 čuoggá.
Son válljii rukses liigegažaldaga ja mii jearrat dán:
1. Liigegažaldat: Makkár áhpi lea Itália ja Kroatia gaskkas?
– Itália ja Kroatia gaskka. Leago son
dat Adriaterhavet. RIEKTA!
– Dát gal orru bures manname, nu ahte mun válddán rukses.
2. Liigegažaldat: Guđe beaivvi ávvuduvvo Sámi leavga juohke jagi?
– Sámi leavga beaivi.. Mun ferten
dušše sjánset, borgemánu 15.beaivvi. RIEKTA!
3. Liigegažaldat: Guhte planehtain lea unnimus min beaivvášgottis(solsystem)?
– Mun vástidan Pluto. RIEKTA!
4. Liigegažaldat: Mii lea Eurohpá alimus várri?
– Mont Blanc. BOASTUT!
Rievttes vástádus: Elbrus
Keskitalo máhtii visot golbma álgo gažaldaga, ja vel golbma liigegažaldaga. Son beassá liikká válljet árvalusa mainna sáhttá fasket 5, 10, dahje 15 čuoggá. Dat lea dan duohken guđe ivnni vállje. Rukses árvalus lea váddáseamos ja das oažžu 15 čuoggá, alit árvalusas 10 čuoggá, ja ruonás fas 5 čuoggá.
Keskitalo vállje rukses ivnni, ja mii jearrat dán árvalusa:
Man birra lea sáhka: ovdal áhčči lea bealledagus, lea bárdni juo vuovddis?
– Hmm.. In mun fuobmá. BOASTUT!
Rievttes vástádus: dolla ja suovva
Galle čuoggá oktiibuot: 12 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Keskitalo háliida hástalit Aile Javo searvat Ávvira geassegilvui.
Njunnošis Ávvira geassegilvvus dál: Ánne Márjá Guttorm Graven 21 čuoggáin.
