UiT – Norgga árktalaš universitehta Romssa stivra mearridii loahpahit Sergej Lavrov UiT gudnedoavtternamahusa man oaččui 2011:s, go sus lea mielovddasvástádus Ruošša Ukraina falleheamis.
UiT – Norgga árktalaš Universitehta stivra mearridii liigestivračoahkkimis guovvamánu 28. beaivvi ovttajienalaččat loahpahit Ruošša olgoriikaministtar Sergej Lavrov UiT gudnedoavtternamahusa, čállá Khrono.
– Ruošša Ukraina falleheapmi rihkku álbmotrievtti ja lea fallehan hárddekeahttá iešheanalaš demokráhtalaš stáhta. Dan sivas go Ruošša olgoriikaministtar Sergej Lavrovas lea mielovddasvástádus Ukraina falleheamis, de loahpaha UiT universitehta stivra su gudnedoavtternamahusa (doctor honoris causa) UiT – Norgga árktalaš universitehtas, čállá stivra mearrádusas.
Stivra bivddii stivračoahkkimis guovvamánus 17. beaivvi ahte gudnedoavtternamahusa njuolggadusaid leat ođđa áššin.
UiT rektoráhtta árvvoštallá ahte universitehtastivrras lea vejolašvuohta geassit ruovttoluotta gudnedoavtternamahusa go stivrenorgánas, mas lea juridihkalaš gelbbolašvuohta geiget dakkár namahusa, lea maid gelbbolašvuohta geassit dan ruovttoluotta. Gudnedoavtternamahus ii addo vaikko geasa.
Muhtin UiT gudnedoaktárat: Gro Harlem Brundtland, Mari Boine, Trond Mohn, Jonas Gahr Støre, Ole Henrik Magga, Rodolfo Stavenhagen, Dalai Lama, Robert Paine, Rigoberta Menchú Tum, Carsten Smith ja Desmond Mpilo Tutu,
