Rievttes hábmen seaidnebovssas ja buorre prosjekteren revrerusttegis lea mearrideaddji man álki lea revrriid molsut.
TEK gáibida ahte buot čáhcerevrriid visttiin galgá álki molsut, dasa lassin go suođuid galgá álkit fuobmát nu ahte eai vaháguhte maide. Revre revrres systema lea juste danne ovdánahttojuvvon, gokčan dihte daid gáibádusaid. Muhto man álki daid revrriid de lea molsut?
– Ovdalaččas mii diehtit ahte gáržžes visttit ja guhkes revrret leat dábálaš hástalusat. Mii leat dál geahččaladdan iešguđetlágan revre revrres systemaid laboratorias, gávnnahan dihte eambbo dan birra mii váikkuha molsuma, dadjá SINTEF prošeaktajođiheaddji ja seniorinšenevra Karina Stråby preassadieđáhusas.
Boađus geahččaladdamis ja ráđit sidjiide geat prošekterejit ja bidjet daid, lea čoahkkáigesson ođđa raporttas.
Raporttas bohtet dát ávžžuhusat ovdan:
– Siskkildas hábmen seaidnebovssas mas eai leat bastilis čiegat.
– Smávva revredimenšuvnnat – mađi unnit dimenšuvdna, dađi álkit lea molsut revrre.
– Stargatvuohta PEX-revrres – dipma revrriid lea álkit molsut
