-Almmuhus-
-Almmuhus-
-Almmuhus-
OĐĐASATMáilmminásti sihtá doahttalit álgoálbmogiid

Máilmminásti sihtá doahttalit álgoálbmogiid

-

-

– Mun háliidan juogadit dán bálkkašumi Kanada álgoálbmogiiguin ja muđuid buot álgoálbmogiiguin miehtá máilmmi, dajai Leonardo DiCaprio go vuittii Golden Globe bálkkašumi ikte eahket.

Dovddus neavttár Leonardo DiCaprio, gii vuittii buoremus neavttárbálkkašumi iežas rollain «The Revenant» filmmas, giittii álgoálbmogiid miehtá máilmmi ja bivddii sin ovddas oažžut eanet doahttaleami, čállá The Huffington Post.

 

Juogada bálkkašumi álgoálbmogiiguin

DiCaprio dollestii sártni ja politihkkestii go oaččui bálkkašumi sotnabeaivvi eahkedis Los Angeles báikkis.

– Lea áigi ahte mii dovdat din historjjá ja ahte mii gáhttet din guovlluid sisabahkkemiid vuostá, fitnodagaid ja olbmuid vuostá geat iežaset ovdii dušše ávkkástallet, dajai DiCaprio ja lasihii:

– Lea áigi ahte mii gullat din ja gáhttet boahttevaš álgoálbmotbuolvvaid.

 

Áŋgiruššan

Son lea leamaš politihkalaččat aktiiva luondduáššiin viidát, ja oaččui ollu fuomášumi go finai Alberta oljosádduid geahččame 2014:s.

«The Revenant» filbma filbmejuvvui Albertas ja čuohtenáre Kanada álgoálbmogat ledje mielde filmmas statistan ja unnit rollain.

-Almmuhus-