Máŋga jagi ráhkkaneapmi loahpahuvvo ja boađus lea dál oaidnimis ja gullamis. Go dál viimmat čájehuvvo vuosttaš sámi-cree opera, «Two odysseys: Pimooteewin/Gállábártnit» Torontos.
Dat lea áibbas sihkkarit vuosttaš sámi-cree opera obanassiige. Álgočájálmas lea skábmamánu 13. beaivvi 2019.
Operačájálmas «Two odysseys: Pimooteewin/Gállábártnit» lea riikkaidgaskasaš ovttasbargu gakkal Soundstreams, Signal Theatre ja Sámi Našunálateáhtera Beaivváža.
Ovttasbargu vuolggahuvvui Kanáda Soundstream buvttaduslágádusas 2013:s, ja lea ovdánan juo máŋggaid jagiid.
«Two odysseys: Pimooteewin/Gállábártnit» lea Cree eamiálbmot «Pimooteewin» opera ja sámeálbmoga «Gállábártnit» opera mii lea šaddan olleseahkeda operačájálmassan guovtti oasis. «Pimooteewin» lea vuosttaš opera čállojuvvon creeálbmotgillii, man Thomson Highway lea čállán, ja mas lei álgočájálmas Kanádas 2008:s. Teavstta vuođđu lea dološ Cree-máinnas.
«Gállábártnit» lea aitto čállojuvvon davvisámegillii opera.
Teavstta vuođđu lea dološ sámi guovžžamáinnas, go nissonolmmoš náitalii guovžžain ja oaččui golbma bártni, ja dan teavstta lea Rawdna Carita Eira čállán.
