Máilmmi boarráseamos olmmoš, Maria Branyas Morera Espánnjas eret, lea jápmán, dieđiha su bearaš. Son lei 117 jagi ja 168 beaivvi boaris.
Morera riegádii USA:s miessemánu 4. beaivvi 1907. Son fárrii bearrašiinnis San Franciscos Espánnjai 8-jahkásažžan.
Son jámii maŋŋebárgga, dieđiha su bearaš.
– Maria Branyas lea guođđán min. Son jámii nu go háliidii: oađđimis, ráfis ja váivvi haga, čállá su bearaš X sosiála neahttasiidduin.
Guinness World Records mielde Morera lea ovccát sajis máilmmi guhkimus ealli olbmuid listtus. Son orui maŋimuš 23 jagi fuolahusruovttus.
Morera jápmin mearkkaša ahte dál lea japánalaš Tomiko Itooka, gii lea máilmmi boarráseamos olmmoš. Son riegádii miessemánu 23. beaivvi 1908 ja lea 116 jagi boaris, dieđiha U.S. Gerontologiija dutkanjoavku. (©NTB)
