Ofelašguovttos Elle Kare Somby ja Lisa Kaisa Skoglund galgaba mánnodaga iskat man ollu stáhtaráđđi Jan Tore Sanner diehtá sámiid birra.
Ofelašguovttos Elle Kare Somby ja Lisa Kaisa Skoglund galgaba mánnodaga iskat man ollu stáhtaráđđi Jan Tore Sanner diehtá sámiid birra.
Juohke jagi mátkkoštit sámi ofelaččat miehtá Norgga ja deaivvadit eará seamma ahkásaš nuoraiguin, muitaleame sámi kultuvrra- ja servvodaga birra.
Odne, mánnodaga, áigu Jan Tore Sanner čuovvut sámi ofelaččaid logaldallama Kuben joatkkaskuvllas Oslos. Dábálaččat álggahit ofelaččat logaldallama gažaldagain «Maid jurddašehpet go gullabehtet sáni “sápmelaš”?»
Buorre ortnet
Sámi ofelašortnet lea doaibman 11 jagi ja lea leamaš ortnet mii lea bures doaibman. Doaibma ruhtaduvvo kommunála- ja ovdánahttindepartemeanta bokte ja lea Sámi allaskuvla mii jođiha doaimma.
– Leat ollu skuvllat geat bovdejit ofelaččaid boahtit, ja leat ollugat maid geat háliidit sin ruovttoluotta ođđa oahppibuolvvaiguin humadit. Dát lea ge ortnet maid mii háliidit doalahit ovddos guvlui, dadjá stáhtaráđđi Jan Tore Sanner.
Sámi čeahpit
Sámi ofelaččat galget realisttalaččat ja 1ŋgiris vugiin leat mielde dihtomielalašvuođa loktet ođđaáigásaš sámi servvodaga birra, ja maiddai sámi historjjá ja servvodaga birra.
– Ofelaččat lea čeahpit oažžut oktavuođa ja ságastallama ohppiiguin, ja ortnet lea hui bures doaibman olles áiggi, dadjá Sámi allaskuvlla ofelašortnega jođiheaddji Risten Länsman preassadieđáhusa bokte.
