-Almmuhus-
-Almmuhus-
-Almmuhus-
KULTUVRAMaid mánnán oahpat, boarisin máhtát

Maid mánnán oahpat, boarisin máhtát

-

-

Nu dat lea namma ođđa oahpponeavvus mii dáid beivviid almmuhuvvo ja mii lea oaivvilduvvon mánáidgárddiide.

ČálliidLágádus almmustahttá dáid beivviid oahpponeavvu mánáidgárdái. Das lea namma: Maid mánnán oahpat, boarisin máhtát.

 

Oahpponeavvu dušše neahtas

Oahpponeavvu gokčá mánáidgárdde rámmaplána fágaguovlluid Lagasbiras ja servodat ja Rumaš, lihkadeapmi ja dearvvašvuohta.

– Oahpponeavvu lea dušše neahtas ja dasa gáibiduvvo interaktiiva távval, neahttafiellu ja čálán jos das galgá ollásit sáhttit atnit ávkki, čállá ČálliidLágádus preassadieđáhusastis.

Vuođđun oahpponevvui lea Vygotsky sosiokulturealla oahppoteoriija. Jitnositlohkan seammás go govaid čájeha interaktiiva távvalis stuorát joavkkus, dahká jitnosit lohkama sosiála doaibman ja bovde mánáid leat mielde ságastallamiin. Dán láhkai viidána mánáid giellamáhttu, sátneriggodat ja muitalangálgga.

(Ášši joatká gova vuolábealde)


OASÁŠ GIRJJIS: Rille ja Ralle áiguba oaggut.
ČálliidLágádusa preassagovva.

Almmuhit vel golbma e-girjji

Dán oktavuođas almmustahttet maiddái golbma e-girjji smávvamánáide: Rille ja Ralle. Rille ja Ralle ássaba Ruollavuovddis ja deaivaba váikko geaid ja fuomášeaba feara maid.

– E-girjjit orrut min neahttasiidduin ja leat nuvttá buohkaide geavahit, čállet lágádusas.

 

Girjjiid lea čállán Elisabeth Arneng Varsi, ja doaimmaheaddji Heidi Guttorm Einarsen lea daid jorgalan sámegillii. Girjjit leat čállon mánáid várás geat leat oahppamin giela, ja fáttát leat oaggun, ustitvuohta, oahppat lohkat ja ohcan.

– Rille ja Ralle namaid leat válljen go ollu mánáin lea váttis dadjat R-jiena. Mii sávvat ahte girjjit šaddet miellagiddevažžan. Mis leat ollu Rille- ja Ralle-girjjit mat vurdet beassat lohkkiid lusa.

-Almmuhus-