Coolbet veahtalanfitnodat lea almmuhan oddsalisttu Sámi Grand Prix juoigan- ja lávlunoassái.
Lávvardaga 3. beaivve cuoŋománus čájehuvvo Sámi Grand Prix dábálaš TV:s. Sátta álgá diibmu 18.00 NRK2:s.
– Coolbet ráhkada oddsaid Sámi Grand Prixas, ja oaivvilda Máhtte Ánte J. Sara favorihttan. Eamida, Karen Marianne, luđiin bidjá Coolbet oddsa 3,0 geardde eanet go bijat ruđa, čállet sii preassadieđáhusas.
– 2019 juoiganoasi vuoiti, Kim Hallgeir Berg, oassálastá dán jagi Ánne Mathilde luđiin, ja gehččo gievrras gilvaleaddjin juoigangieđa váldit ruoktot, čállet sii viidáseappot .
Lávre ja Hildá lávlunoiddohat
–2,7 oddsain leaba Hildá Länsman ja Lávre favorihtat vuoitit dán jagi Sámi Grand Prix lávlunoasi, čállá Coolbet.
Beakkán rappár Áilu Valle ja Inga Márjá Sarre iežaska Beassášlihkku lávlagiin leaba gievrras gilvaleaddjit dán jagáš lávlunoasis.
