Kárášjoga valáštallanhállas lei ikte erenoamáš magihkalaš eahket, máilmminásti ja kárášjohkalaš Mari Boine lávkii lávdái stuorra illun buohkaide. Son loahpahii konsearta «Elle» Geahča filmma:
Kárášjoga valáštallanhállas lei ikte erenoamáš magihkalaš eahket, máilmminásti ja kárášjohkalaš Mari Boine lávkii lávdái stuorra illun buohkaide. Son loahpahii konsearta «Elle» Geahča filmma:
Valáštallanhállii ledje olusat boahtán guldalit máilmminástti Mari Boine, gii lea ođasmahttán luođi ja sámi musihka. Kárášjoga festivála buvttadeaddji Anne Berit Anti ii lohkan vel diehttit man olu olbmot ledje ikte konsearttas, muhto measta buot čohkkánsajit ledje dievvan. Anti lei hui duđavaš eahkedin.
- Lei hui buorre mokta konsearttas ja Maris lei hui buore konsearta. Dovdui sus lávddis ahte duođaid liikui dáppe čuojahit. Mearkkaša hui ollu, logai Anne Berit Anti maŋŋá konsearta.
Hui somá
Mari Boine čuojahii maŋŋá beakkán lávlagii, muhto loahpahii eahkeda beakkán lávlagiin «Elle» stuorra illun guldaleddjiide geat speaddju gieđaid ja lávlu mielde.
– Lea hui somá oaidnit ahte nu olusat leat boahtán, logai duđavaš Mari Boine lávddis.
Joavku Háldi
Ovdal go beakkálmas Mari Boine lávkii lávdái de čuojahii Háldi joavku, mii lea oalle ođđa joavku, geat jagi dás ovdal deaivvadedje ja ásahedje joavkku. Vokalista Anne Gro Gaup maid logai lávddis ahte lei suohtas go nu olusat ledje vuoruhan boahtit konsertii.
