Logut čájehit ahte olbmot geat dinejit eanemus, sii leat maid garraset deaddit gássa.
Fremtind, Sparebanken Nord-Norge ja DNB leat dárkkistan loguid sin gaskkas geat vudjet biillain hui leahtus ja maiddái sin gaskkas geat eai daga dan.
Sii čállet ahte dát fáktorat ain váikkuhit leahtu; ahki, biilamearka ja lea go biila bensin-, diesel- dahje elrávdnjebiila. Go leat loguid geahččan, de bođii maid ovdan ahte dienas maid váikkuha man leahtus guhtege vuodjá.
Logut čájehit ge ahte jus lea jahkedienas badjel miljovnna, de vuodjá eanet leahtuin go dakkár geas lea vuollel 300 000 ruvnno jahkedienas. Olles 14 proseantta dávjjit doallá son alit leahtu geas lea miljovnna dahje eambbo jahkedienas.
