Ealáhus- ja guolástusdepartemeanta almmuhii vuossárgga ahte Norgga luossagielddat ožžot birrasii 2,7 miljárdda ruvnno mearrarusttetfoanddas.
– Galgá leat gánnáhahtti gielddaide láhčit dilli luossaealáhusaide. Dál ožžot gielddat bálkkašumi barggu ovddas, lohká guolástusministtar Harald T. Nesvik preassadieđáhusastis.
Sámi gielddat
Sámegiela hálddašangielda Divttasvuota suohkan oažžu masá 22 miljovnna ja Unjárgga gielda fas oažžu badjelaš 7 miljovnna ruvnno foanddas. Finnmárkku fylkkagieldda oažžu badjelaš 32 miljovnna ruvnnu.
Mearrarusttetfoanda ásahuvvui 2016:s, ja foandda ulbmil lea movttiidahttit gielddaid láhčit dili mearrarusttetealáhusaide.
