-Almmuhus-
OĐĐASAT Luossagárgideapmi Sállanis

Luossagárgideapmi Sállanis

-

-

Salmar Farming AS adde dieđu Guolástandirektoráhttii duorastaga 16.beaivvi dán manus guollegárgideami birra. Dát lea dáhpáhuvvan Borvika guollerusttegis mii lea Sállanis.

Salmar Farming AS lea fuomášan guollegárddis lea vuođus mehter guhkkosaš ráigi.  Guolástandirektoráhtta čađahii bearráigeahču 17. beaivvi. Guolástandirektoráhtta lea gohččon guollefitnodaga čorget gárgida luosaid eret mearas. Duorastaga ledje fitnen 18 gárgidan luosa gitta. Luosat leat birrasii 2 kilo. 

Logut eai čielgas

Guolástusdirektoráhta davviregiovnna doaibmi ossodathoavda Tom Hansen muitala Ávvirii lávvardaga sis eai leat ođđa gárgidanlogut vel sajis. 

–  Dál lea  ámmátlaš fanas čorgemin biebmoluosaid eret mearas. Eat dieđe lea go eambbo luossa gárgidan go dan maid gávdne duorastaga. Mus leat ođđa logut sajis boahtte vahku álggus,  dadjá Hansen. 

- Advertisement -
-Almmuhus-