Ávvir lágida dál luossagilvvu mas leat vuoittut sihke mánáide ja rávisolbmuide. Searvva don ge!
Ávvir lágida dál luossagilvvu mas leat vuoittut sihke mánáide ja rávisolbmuide. Searvva don ge!
Ávvir lágida dán geasi oaggungilvvuid. Gilvu álgá duorastaga geassemánu 23. beaivvi ja bistá gitta suoidnemánu 31. beaivái.
Searvva ná:
Lasit gova dáppe, ja deavdde buot dieđuid guoli ja oaggu birra.
Gilvui sáhttá dušše searvat guliiguin maid lea goddán vuokkain, firpmiin ii leat lohpi searvat.
Govven: Berit Marie Lise Eira
Guokte luohká
Gilvvus leat guokte luohká, rávisolbmuid gilvvu leat gohčodan Luossagonagas dahje -dronnet. Dasa sáhttá searvat dušše luosaiguin, muhto sáhtát oggon vaikke gos, beare leat vuokkain goddán dan.
Ollesolbmuid gaskkas oažžu dat guhte dán vahkku lea goddán losimus guoli, gaibagahpira mas čuožžu Ávvir Luossagonagas, dahje Luossadronnet jus lea nissonolmmoš.
Son guhte goddá losimus luosa olles gilvoáigodagas, vuoitá 3000 ruvnno árvosaš skeaŋkakoartta Sport1 Karasjok gávppis.
Govven: FeFo
Guollelihkku
Mánáid gilvvu leat ges gohčodan Guollelihkkun.
Dása sáhttet gaskal 2- ja 12-jagi mánát searvat, vaikke makkár guliin maid mánná ieš lea goddán vuokkain.
Dás vuorbádat vahkkosaččat vuoiti, guhte oažžu oaggunstákku Finnmárkkuopmodagas FeFos.
Dasa lassin vuoitá dat mánná guhte losimus guoli lea goddán, 1000 ruvnno árvosaš skeaŋkakoartta Sport1 Karasjok gávppis.
Gilvui searvvat dáppe ja ollislaš njuolggadusaid gávnnat ges dáppe.
Searvva fal don ge, soaitá dus guollelihkku ja šattat gonagassan dahje dronnegin!
