-Almmuhus-
-Almmuhus-
OĐĐASATLuohti ovttas Norgga álbmot- ja klassihkalašmusihkain

Luohti ovttas Norgga álbmot- ja klassihkalašmusihkain

-

-

Dán vahkkus sáhttá gullát golbma hui iešguđetlágan musihkkamálle ovttas, go golbma hui iešguđetlágan artista čuojahit fárrolaga.

Romssas besset olbmot oaidnit hárvenaš musihkalaš ovttasbarggu, go golbma hui iešguđetlágan musihkkamálle ja artista fárrolaga lávkejit lávddi ala. Ulla Pirttijärvi ovttas

Knut Erik Sundquistain, gii čuojaha kontrabássa, ja Julie Alapnes, gii čuojaha fidjola galget ovdanbuktet konsearttaid golmma báikkis Romssa fylkkas,

 

Musihkkamátki

Lea «Kultur i Troms» guhte ovdanbuktá dán buvttadeami, mas lea namma «mátki».

–Dán golmma musihkkaris lea guđesge nanu duogáš iežaset šáŋŋeris, muhto lihkká nákcejit gávdnat oktasaš vuolggasaji dán erenoamáš konsearttas. Geahččit besset gullát áibbas ođđa lágidemiid dovddus álbmotšuoŋain ja klassihkalaš lávlagiin, mat deaivvadettiin Ulla Pirttijärvi čáppa luđiiguin bidjet vuođu erenoamáš konseartavásáhussii, čállet «Kultur i Troms» preassadieđáhusastis.

 

Konseartat čájehuvvot dán vahkkus Olmmáivákkis, Romssas ja Gárgámis.

 

-Almmuhus-