Johan Sara jr. lea hábmen musihkalaš bihtá mas lea luohti ja ovdanbukto Operaviesus Oslos skábmamánu.
Johan Sara jr. lea hábmen musihkalaš bihtá mas lea luohti ja ovdanbukto Operaviesus Oslos skábmamánu.
Skábmamánu 8. beaivvi lea earenoamáš konsearta Opera scene2 Oslos. De galget Alta motettkor ja Ensemble Noor ovdanbuktit davviguovllu musihka mii ii leat ovdal gullon Norgga oaivegávpogis.
Komponisttat leat Bjørn Andor Drage, Arne Dagsvik ja Johan Sara, gii lea ráhkadan olles bihtá «Havspeil» man fáddá lea «Oaidnu».
Mearrasámiid luohti
Opera lea bovden Alta motettkor doallat dan konseartta. Komponista Johan Sara lea maid ieš mielde mearrasámiid luđiin. Dát konsearta dollo álggos Álttás dego vuosttaščájálmassan. Konsearta lea Álttá kultursálas skábmamánu 4. beaivvi.
Máŋggakultuvrralaš konseartan
Konsearta lea duođaštus máŋggakultuvrralaš oasi birra davvin, go árbevierut sámi musihkas ja seaguhuskoaras biddjojit oktii dábálaš klassihkalaš čuojanasaiguin, ja gos báikkálaš álbmotmusihkkafáttát ja románttalaš harmoniija deaivvadit latiinnalaš girkomusihkain, improvisašuvnnain ja šuoŋain.
Geat leat mielde:
Das leat mielde: Ingrid Marie Willassen (fioliidna), Agnieszka Orlowska (bratsj), Nikolay Girunyan (cello), Nils Anders Mortensen (piano), Kristine Hansen (perkušuvdna), Johan Sara (luohti), Alta motettkor, Per Andersson (dirigeanta). Konseartta leat Norgga kulturráđđi, Sámediggi, Seastinbáŋku1 ja Finnmárkku fylkkagielda ruhtadan.
