-Almmuhus-
-Almmuhus-
-Almmuhus-
OĐĐASATLuohpá

Luohpá

-

-

Suoma sámedikki ságadoalli Klemetti Näkkäläjärvi, luohpá.

 – Mun lean odne sádden reivve sámediggái ja bivdán earu sámedikki ságadoalli barggus ja buot luohttámušbargguin, maidda mun lean sámedikki ovddasteaddjin nammaduvvon. Lean sádden maid reivve stáhtaráđđái, mas lean bivdán earu sámedikki lahttuvuođas, čálii Suomabeale sámedikki ságadoalli Klemetti Näkkäläjärvi bloggastis diibmu 02.50 dán ija.

Dá lea ášši:

Suoma riikkabeaivvit jienastedje njukčamánu 10. beavvi sámediggelágas. Jienasteamis riikabeaivvit mearridedje doalahit dálá sápmelašmeroštallama jienaiguin 162–28.

 

Riikkabeivviin jienastedje guktii das makkár galggašii leat ođđa sámediggeláhka Suomas. Vuosttaš jienasteamis ledje ráđđehusa sámedikkiláhkaárvalus, man maiddái sámediggi doarju, ja vuođđoláhkaválljogotti ságadoalli Johannes Koskinena evttohus vuostálaga. Dán jienasteamis 171 áirasa jienastedje Koskinena evttohusa bealis ja 16 dorjo ráđđehusa evttohusa. Guovttis jienastedje guoros ja 10 ledje eret.

 

Nubbi jienasteamis ledje Johannes Koskinena evttohus ja vuođđoláhkaválljogotti smiehttamuš vuostálaga. Dán jienasteamis vuođđoláhkaválljogotti smiehttamuša bealis jienastedje 162 áirasa ja 28 dorjo Koskinena evttohusa. Eret ledje ovcci áirasa. Vuođđoláhkaválljogotti smiehttamušas evttohedje ee. doalahit dálá sápmelašmeroštallama.

 

Gáldu: YLE Sápmi

– Mu rádji lea dás

Sivvan Näkkäläjärvi earu bivdimii lea dat go sápmelašmeroštallama nuppástuhttin ráđđehusa evttohusa mielde ii lihkostuvvan. Suoma riikkabeaivvit mearridedje ikte hilgu ođđa sámediggeláhkaevttohusa, dáinna beahtahalai Näkkäläjärvi garrasit.

 – Muhtimat sáhttet atnit mu dego livččen báhtareame. Muhto mii eará vejolašvuođaid mus lea šat eará čujuhit go earráneami – buot eará vuogit leat juo adnon? Sápmelaččat eai leat dego gummebaddi. Misdahan maid boahtá rádji vuostá, ja mu rádji lea dás, čállá ságadoalli loahpas.

-Almmuhus-