Suoma sámedikki ságadoalli Klemetti Näkkäläjärvi, luohpá.
– Mun lean odne sádden reivve sámediggái ja bivdán earu sámedikki ságadoalli barggus ja buot luohttámušbargguin, maidda mun lean sámedikki ovddasteaddjin nammaduvvon. Lean sádden maid reivve stáhtaráđđái, mas lean bivdán earu sámedikki lahttuvuođas, čálii Suomabeale sámedikki ságadoalli Klemetti Näkkäläjärvi bloggastis diibmu 02.50 dán ija.
– Mu rádji lea dás
Sivvan Näkkäläjärvi earu bivdimii lea dat go sápmelašmeroštallama nuppástuhttin ráđđehusa evttohusa mielde ii lihkostuvvan. Suoma riikkabeaivvit mearridedje ikte hilgu ođđa sámediggeláhkaevttohusa, dáinna beahtahalai Näkkäläjärvi garrasit.
– Muhtimat sáhttet atnit mu dego livččen báhtareame. Muhto mii eará vejolašvuođaid mus lea šat eará čujuhit go earráneami – buot eará vuogit leat juo adnon? Sápmelaččat eai leat dego gummebaddi. Misdahan maid boahtá rádji vuostá, ja mu rádji lea dás, čállá ságadoalli loahpas.