Geahča videoid Guovdageainnu beassášdoaluid boarráseamos konsearttas, árbevirolaš juoigankonsearttas.
Les-viessu ii lean gal lahkage dievva go rávisolbmuid árbevirolaš juoigankonsearta lágiduvvui guhkesbearjadaga. Muhto láidesteaddji Ol Johan Gaup lea hui duhtavaš go sii viidát leat nagodan čohkket juigiid ja iešguđet agis.
– Mis leat hirbmat čeahpes juoigit leamaš. Musihkkafestiválas lea lihkku go iešguđet guovlluin ja iešguđet agis servet juoigankonsertii, ja dat lea hui fiinna árbevierru dát konsearta masa lávejit boahtit gullat sihke boares ja ođđa luđiid. Dát leat albma beassášárbevierru, dadjá son.
