Lundin Norga lea bovren rádjegáivo Barentsábis Álttás gos ledje oljju gávdnan, ja leat čađahan buvttadangeahččaleami gáivos buriin bohtosiin.
Lundin Norga lea bovren rádjegáivo Barentsábis Álttás gos ledje oljju gávdnan, ja leat čađahan buvttadangeahččaleami gáivos buriin bohtosiin.
– Dát gal addá doaivaga buori boahtteáigái ja viidásit huksemii, dadjá hálddahusdirektevra Kristin Færøvik.
Lea gávdnon olju Álttás Lopphøgdas. Hámmárfeastŧas lea sullii 160 kilomehtera davvinuortta guvlui.
– Iskosat gáivos čájehit ahte mis lea reservoara mas leat oalle buori buvttadaniešvuođat, dadjá Kristin Færøvik.
Maksimála buvttadanvejolašvuohta lea sullii 6050 oljofáhta, ja sullii 93 000 kubihkkamehter gása jándorii.
– Mii leat hui duhtavaččat dáid loguiguin. Iskkus maiddái čájeha ahte elrávdnjeiešvuođat reservoarain leat buorit. Álkit daddjon čájeha iskkus ahte sáhttit olahit alla buvttadanleahtu jus mearridit álggahit buvttadansuorggi, dadjá Færøvik.
Sii barget maiddái ovdánahttimiin huksenkonseapta ovdánahttimiin Áltái ja Gohta nammásaš báikái. Doppe gávdnui olju 2013:s ja lea sullii 20 kilomehtera oarjjábeale Álttá.
– Maŋimuš gáivoiskkus Álttás čájehii ahte leat buori vejolašvuođat dahkat iešheanalaš huksemiid guovlus, ja mii bargat viidáseappot dainna ulbmilin ahte Áltá ja Gohta galget šaddat min boahttevaš stuorra huksenprošeaktan. Mii leat maiddái čielggadeame lea go vejolaš hukset Finnmárkkogáttiide luondduoljo-vuostáváldinterminála, dadjá Færøvik.
Ođđa prospeavttat dagahit ahte Bores Lundin Norga jurddaša álggahit guhkesáigásaš doaimmaid Barentsábis, ja árvvoštallet dahkat Lopphøgda ođđa gieldoguovlun Norggas, oktan eará guovlluiguin.
– Leat plánemin viiddis ohcandoaimmaid dáppe boahttevaš jagiid, ja lea buorre jáhkku gávdnat vel eambbo mii lea ekonomalaččat roggagánnáhahtti, dadjá Færøvik.
Máŋga ohcanvejolašvuođa leat identifiserejuvvon guovllus gos Lundin Norga lea doaimmaheaddji.
– Leat plánemin bohkat vuosttaš ohcangáivo unnimusat guovtti vejolaš sajis dán jagi juo, dadjá Kristin Færøvik.
