-Almmuhus-
OĐĐASATLulli-Hålogalándda ođđa bisma vihahuvvo

Lulli-Hålogalándda ođđa bisma vihahuvvo

-

-

Ann-Helen Fjeldstad Jusnes vihahuvvo Lulli-Hålogalándda bismán sotnabeaivvi.

Sotnabeaivvi ođđajagemánu 24. beaivvi vihahuvvo ođđa bismá Bådåddjo duopmogirkus diibmu 11:s. Ipmilbálvalus lea rabas buohkaide, muhto sáhttet leat unnán čohkkánsajit go leat ollu bovdejuvvon guossit. Lea bismá Helga Haugland Byfuglien gii vihaha ođđa bismmá.

 

Ollu bovdejuvvon guossit

Majestehtalaš Gonagas Harald searvá ipmilbálvalussii, ja stuoradiggepresideantta ovddasteaddji Line Henriette Hjemdal. Girkoráđi jođiheaddji Svein Arne Lindø ja Sámi Girkoráđđi maid servet doaluide. Norgga girku bismmát ja anglikánalaš girku bismmát maid servet. Lassin leat Nordlándda fylkkamánni Hill-Marta Solberg, sátnejođiheaddji Ida Maria Pinnerød, ja buot searvegottiid ovddasteaddjit Lulli-Hålogalánddas.

-Almmuhus-