Dan čállet Lujávrri sápmelaččat.
Mannan vahku, njukčamánu 16. beaivvi, hávdaduvvui Lujávrris nuorra dievdoolmmoš, 1995:s riegádan.
– Njukčamánu goalmmát beaivvi erenoamáš soahteoperašuvnnas Luganska ja Donetska guovllus goddui min bárdni, boahtá ovdan čállosis lovozerie.ru Facebook-siiddus.
Čállosa mielde lujávrilaš lei gohččojuvvon dohko maŋŋá go álggii oassemobiliseren diimmá čavčča.