Mázes lágidit olgodoaluid Sámi álbmotbeaivvi ja lágideaddjit hástalit olbmuid coggat gávtti badjelii ja skeittáid juolgái.
Máze gilisearvi ja Máze luistensearvi bovdejit olgodoaluide Sámi álbmotbeaivvi diibmu 12:00. Doaluid álggahit dolastemiin ja borademiin. Dá lea ollislaš prográmma: 12.00 – Dolastit, boradit ja luistet 12.25 – Luohti 12.30 – Máze dulvadeami historjá sárdni ja ságastallan. Mii filbmet dán ja filbma almmuhuvvo maŋŋil. 13.00 – Sálbmaboddu 13.15 – Luistengilvu 14.00 – Vuorbadit vuoittu. Buohkat geain lea gákti dahje beaska alde leat mielde vuorbádeamis. 15.00 – Loahpaheapmi
Guovdageainnus ges lágidit Juoigalasat neahttadoaluid. Suohkanis eai leat makkár ge almmolaš doalut koronagáržžidusaid geažil.