-Almmuhus-
OĐĐASATLotnolasealáhusdoaibma vuođđun gonagasreabbábivdui

Lotnolasealáhusdoaibma vuođđun gonagasreabbábivdui

-

-

- Lotnolasealáhusaid doaimmaheapmi galgá vuođđun vai sáhttet kvalifiseret bivdit gonagasreappáid earremuddejuvvon guovllus, dadjá sámediggeáirras Kåre Olli.

Lea biddjon gáibádus ahte vilgesguolis galgá leat gávpejohtu 100 000 ruvnno vai galgá sáhttit searvat gonagasreabbábivdui. Gávpejođu leat evttohan lasihit 200 000 ruvdnui.

Bargiidbellodat lea deattuhan ahte fierbmebivdit geaidda gonagasreabbá lea giksin, galget leat vuosttažat geat besset ávkkástallat gonagasreappá.

 

Eanandoalu ja vuotnabivddu doaimmahit lotnolagaid

Ollu vuotnaservodagat rahčet ássama bisuheamis. Eambbo heivehanmunát ortnegiin nu ahte beassá bivdit gonagasreappáid, lasihivččii ealáhusvuođu arvat, čállá Bargiidbellodat preassadieđáhusas.

Sii oaivvildit dát dagašii vejolažžan eanandoalu doaimmahit lotnolagaid vuotnabivdduin ja reabbábivdduin.

 

Evttohit 

– Sámediggejoavkku evttohus danne sáhtášii sihkkarastit ahte eambbogat sáhttet birget lagasguovlu resurssaiguin, ja dainna lágiin dát attášii eleš riddo- ja vuotnaservodagaid, loahpaha Kåre Olli.

-Almmuhus-