Dát nuorra muitala mo skuvlabarggut váibadit su:
Dát nuorra muitala mo skuvlabarggut váibadit su:
Lossa barggut ovdal juovllaid
Diibmu lea beal vihtta ja mun lean aitto geargan borramis.
Dál lea diimmu áigi go mun gergen skuvllas muhto in leat vel geargan skuvllabargguiguin. Mun lean dal oanehaš vealládan seaŋggas, lean nu issoras váibbas maŋŋel skuvlla.
Juohke beaivve mun lihkan iđđesárrat čieža áigge ja galggan leat skuvllas beal gávccis. Olles beaivvi mun čohkkán pulttas ja geahččalan čuovvut mielde maid oahpaheaddji lohká.
Ii leat álot nu álki go ledjen ain gohcime maŋŋel guoktenuppelogi beaivvi ovdal, go geahččalin hárjehallat atomaid ja molekylaid birra.
Juohke eahket mun jurddašan mun nohkan árrat, muhto de lea álo okta geahččaleapmi dahje čálus mii gálgá leat geargan. Dego dál, mus lea ihttin geahččaleapmi dárogielas ja ferten das čohkkát skuvllabargguin oanehaš vel. Mun dieđan ahte in leat dat áidna gii čohkká ja váibá bearehaga skuvllabargguiguin.
Mun jáhkán ollu dán áigge nuorain lea seamma ládje.
Juo, dat leat váttis ja lossat skuvlla vázzit muhto lea vel váddáset gávdnat barggu go ii leat joatkkaskuvlaoahppu. Mun lean oalle váibbas muhto veahkeha jurddašit ahte fargga lea juovlaluopmu.
Mun nu illudan bearraša fárus leat, guldalit juovlalávlagiid ja boradit juovlaborramušaid. Ii leat šat nu guhkki.
Čálli ii hálit nama almmuhit.
Háliidat go don maid searvat gilvui mas sáhtát vuoitit iPada?
Lohkal njuolggadusaid dáppe ja čális don ge!
