Nu logai Sámi+ ovddasteaddji HIV dávdda birra ikte go máilmmi AIDS-beaivi čalmmustahttui Kárášjogas. GEAHČA VIDEO:
Nu logai Sámi+ ovddasteaddji HIV dávdda birra ikte go máilmmi AIDS-beaivi čalmmustahttui Kárášjogas. GEAHČA VIDEO:
Ikte lei máilmmi AIDS-beaivi, dan oktavuođas lágiduvvui diehtojuohkinseminára Sámi Joatkkaskuvllas Kárášjogas.
Doppe logaldalai earret eará Sámi+ fierpmádaga ovddasteaddji Paula Simonsen, geas alddis lea HIV, dan birra mo lea eallit dáinna dávddain.
– Lean vásihan ahte olbmot leat bálkestan daid gohpuid maiguin mun lean juhkan, dat bávččagahttá, muitalii Simonsen lávddis.
Dieđut SÁMI+ birra
* Fierpmádat sápmelaččaide geain lea HIV. Sorjákeahtes ja iešheanalaš.
* Fierpmádat mii addá vejolašvuođa hupmat/hállat earáiguin geat leat seamma dilis – okto dahje smávva joavkkuin.
* Ii makkár ge registreren dahje miellahtolisttut (dušše guokte gulahallan olbmo namuhuvvojit).
* SÁMI+ sáhttá doallat logaldallamiid skuvllaide, dearvvašvuođabargiide, servviide ja nu ain.
* Ii gáibiduvvo oasálastin dahje rabasvuohta, dušše dalle go ieš dan háliida.
* SÁMI+ áigu sámi perspektiivvas ovddastit ja bargat áššiiguin main lea erenoamáš beroštupmi sápmelaččaide ja eamiálbmogiidda
* SÁMI+ ovttasbargá riikagaskasaš joavkkuin IIWGHA (International Indigenous Working Group on HIV & AIDS)
