Jus láse fertet ráhput, de livččet juo galgan lonuhan dálvedeahkaide.
– De lea juo jiekŋa luotta alde. Galgá dál juo bidjat dálvedeahkaid, dadjá mutuvrafágajođiheaddji Frende dáhkádusfitnodagas Roger Ytre-Hauge. Sii čállet preassadieđáhusas ahte sii oidnet juohke čavčča biilavuddjiid geain eai leat deahkat siivvu mielde.
– nullačuoggasis lea buot njalkaseamos, muittuha Roger Ytre-Hauge biilavuddjiide.
Dehálaš leat dihtomielalaš
Seniorráđđeaddi Bård Morten Johansen Trygg Trafikk-nammásaš searvvis dadjá ahte lea dehálaš plánet ja ipmirdit ahte luodda mii orro goikkis, sáhttá lea njalkkas.
– Dat lea njalkkas sajiin gos lea njuoskas ja asfáltta lea galmmas. Geahča dárkilit lea go asfálta seavdnjat dahje šealgá. Muhtin sajiin sáhttá leat suoivvan ja nu ii beaivváš ii ligge, dadjá Johansen.
Njuolggadusat
Golggtománu 15. beaivvi rájes lea lohpi vuoddjit biikadeahkaiguin dain golmma davimus fylkkain. Skábmamánu 1. beaivvi rájes lea olles riikkas lohppii.
– Muhto muitte ahte biikadeahkaid ja gehtegiid sáhttá atnit ovdal, jus dakkár siivu lea. Johtolatsihkkarvuohta lea deháleamos, ja nu ferte vuoruhit buriid deahkaid. Geassedeahkat eai dohkke dálvesiivvus, ja bisánanguhkkodat lea ollu guhkit, dadjá Ytre-Hauge.
