-Almmuhus-
-Almmuhus-
-Almmuhus-
OĐĐASATLonuhit revrriid

Lonuhit revrriid

-

-

Olmmáivággilaččat fertejit birget čázi haga gaskkohagaid. 

Ikte álggii Gáivuona suohkan lonuhit čáhce- ja duolvačáhcerevrriid Lávkegiettis, Olmmáivákkis. Dan botta go revrret lonuhuvvojit, de šaddet birravuodjimat. 

Dasa lassin šaddet barggu geažil giddet čáziid gaskkohagaid.

Vuossárgga borgemánu 6. beaivvi ii leat olbmuin Lávkegiettis ja Øvermyras čáhci diibmu 20:00 rájes.

Suohkan dieđiha ássiide ovdagihtii go ain šaddet botket čáziid.

 

Ivdni sáhttá rievdat

Čázis sáhttá rievdat ivdni ja čáhci sáhttá áibmoluvvát, dalle ávžžuhuvvojit olbmot vuoššat juhkančázi.

Gáivuona suohkan čađaha čáhceiskama barggadettiin.

Jus olbmuin jávká čáhci, de galget váldit oktavuođa suohkana teknihkalaš ossodagain. Kanturáiggis čuojahit 777 19 268, ja maŋŋel diibmu 15:00 lea vejolaš riŋget 412 80 000 nummirii. 

-Almmuhus-