Ine Marie Eriksen Søreide, Ketil Solvik-Olsen ja Suoma johtalusministtar Anne Berner galget deattu bidjat 2018 konferánsii, ja lágideaddjit áigot báhkka digaštallamiid lágidit golmma beaivvis guovvamánus.
Ine Marie Eriksen Søreide, Ketil Solvik-Olsen ja Suoma johtalusministtar Anne Berner galget deattu bidjat 2018 konferánsii, ja lágideaddjit áigot báhkka digaštallamiid lágidit golmma beaivvis guovvamánus.
– Go logi jagi golihii, de oinniimet áigeguovdilin ođasmahttit sisdoalu. Mii háliidit eanet digaštallama lávddis, muitala Brandshaug.
Siri Lill Mannes galgá láidestit konferánssa ja digaštallamiid. Son lea máŋggaid jagiid bargan TV2 ođaslohkkin, muhto lea dál kommunikašuvdnafitnodaga Speaklab beaivválaš jođiheaddji.
Earálágan konferánsa
Dán jagi lea 25 jagi áigi go Barentsovttasbargu álggahuvvui, ja dat lea dehálaš elemeanta dán guovtti beaivvi doaluin.
Mátta-Várjjaga sátnejođiheaddji Rune Rafaelsen rahpá konferánssa, ja lea okta lágideddjiin ovttas Barentsčállingottiin, Girkonjárgga Ealáhusgárddiin ja Olgoriikadepartemeanttain.
– Girkonjárggakonferánssas lea politihkka mii ii leat makkár ge eará báikkis árktalaš guovllus, lohká son.
Ruovdemáđii maid guovddážis
Rafaelsen jáhkká logistihkalaš hástalusat davvin leat guovddáš fáddán dán jagi, ja su mielas lea gelddolaš go Suoma johtalusministtar Anne Berner boahtá Girkonjárgii.
– Son boahtá deike hupmat logistihka ja ruovdemáđii oktavuođa gaskal Roavvenjárgga ja Girkonjárgga. Dakkár ruođemáđii rahpá ođđa strategiijaid movt geavahit resurssaid Barentsábis ja mátkeealáhusas, oaivvilda Rafaelsen.
Konferánsa lágiduvvo guovvamánu 20. beaivvis 22. beaivái.
