Norgga stáda kulturbušeahtta lassána 4,5 proseanttain ja lea measta 15 miljárdda ruvnno boahtte jagi, evttoha ráđđehus.
Norgga stáda kulturbušeahtta lassána 4,5 proseanttain ja lea measta 15 miljárdda ruvnno boahtte jagi, evttoha ráđđehus.
Boahtte jagi stádabušeahtas evttoha ráđđehus juolludit 14,8 miljárdda ruvnno kultuvrii. Lassáneapmi lea 640 000 ruvnno dán jagi ektui.
1,8 miljárdda ruvnno galgá mannat museaide ja visuála dáidagii, ja 510 miljovnna dan ruđas manná Nationálamuseii mii boahtte jagi fárre ođđa vistái Oslos.
Kulturvisttiid vuoruheapmi
Ráđđehus áigu vuoruhit 285 miljovnna ruvnno nationála kulturvisttiide 2019:s, muhto lea maid addon juolludanlohpi 771 miljovnna rádjái mii lea prošeavttaid gárvemii.
Eaktodáhtolaš searvvit ožžot 1,5 miljárdda ruvnno boahtte jagi, ja Filbmafoanda oažžu 520 miljovnna ruvnno, mii lea 30 miljovnna lassáneapmi dán jagi ektui.
Ráđđehus áigu maid geavahit 71,3 miljovnna insentiivaortnegii mii galgá hástalit olgoriikka filbma- ja tv-ráidofilbmemiid Norgii, mii lea 10 miljovnna lassáneapmi.
(©NTB)
