-Almmuhus-
OĐĐASAT Lohpida ođđa ráđđehusa leat sajis boahtte vahkku mielde

Lohpida ođđa ráđđehusa leat sajis boahtte vahkku mielde

-

-

Stáhtaministtar Erna Solberg (Olgeš) lohká ahte lea mihttu oažžut ođđa stáhtaráđiid doaimmaide loahpageahčen dán mánu.

Stáhtaministtar šattai vástidit gažaldagaid go finadii Gardermoenis disdaga.

– Juo, mis leat leamaš ságastallamat odne ja galgat ain humadit. Mii čađahit máŋga čoahkkima dáid beivviid vai šaddat ovttaoaivilii movt galgat gieđahallat dan, lohká Solberg. 

Kabála ferte ođđasit bordit dál go Ovddádusbellodat geassádii ráđđehusas. De šaddet eanet čoahkkimat Risttalaš Álbmotbellodaga jođiheddjiin Kjell Ingolf Ropstadain ja Gurutbellodaga jođiheddjiin Trine Skei Grandiin.

– Dat maid ovddemus geahččat, lea movt proseassa galgá dás viidáset. Deháleamos munnje lea ahte ráđđehus lea sajis nu jođánit go vejolaš, ja dat máksá ahte ii ábut ádjánit guhkit go dán mánu.

- Advertisement -
-Almmuhus-