-Almmuhus-
-Almmuhus-
OAIVILAT Lohkkiid­reive: – Mo movttiidahttit geavahit giela  

Lohkkiid­reive: – Mo movttiidahttit geavahit giela  

-

-

–  Dat mii ii movttiidahte nu olu lea «Facebook-shaming». Ollu giitu baicce buohkaide geat buriid vugiid mielde movttiidahttibehtet!, čállá NSR jođiheaddji Runar Myrnes Balto dán lohkkiidreivves giellageavaheami birra. 

Gaskavahku bođii Ávvira journalista munnje Sámedikki dievasčoahkkinbeaivvi maŋŋel ja jearai mu giellageavaheami birra dáppe Sámedikki sárdnestuolus. Seamma beaivvi lei Sámedikki giellamovttidahttinbálkkášupmi geigejuvvon. Jusse Juhán Niillasa Gáre Márjái, gii duođaid ánssášii dan bálkkašumi ja maiddái movttiidahtii nu su giitosárdni bokte. Dat lei dan digaštallama maŋŋel ahte journalista lei mielas guorahallat mo dillii lea dáppe Sámedikkis – jo mo sáhttá movttidahttojuvvot vai ain eanet áirasat sámástit.

Journalista de logai ja rehkenasttii galle áirasa sámástedje ja galle dárustedje min sárdnestuolus – ja de gulai ahte mun de ledjen daid áirasiid searvvis geat sihke sámástit ja dárustit. Jearaldat lei – manne bat nu lea – ja mo galgá movttiidahttit mu de geavahit giela eanet?

Doppe leat dieđusge máŋga ákka manin lea nu. Dat lea dan ahte munnje lea álkit dárustit go sámástit – mun dárbbašan ovdagihtii ráhkkanahttit sáhkavurrui – ja jus mun lean huššadilis ja gasku debáhtas váttis áššis – ja de ferten moatti sekunddas gávdnat sihke vuosteákka ja formuleret iežan oainnu, de máŋgii ii leat nu álki munnje dan dadjat sámegillii. Mun lean máŋgii fitnan sárdnestuolus ja de bođii olggos cealkka vai sánit mat eai lean riekta, maid mun ieš gullen ii leat buorre sámegiella ja áibbas boastut bođii olggos. Dalle mun beanta ožžon panihka, álgen bivastuvvat ja háliidin čiehkádit inge goassige šat oidnot Sámedikkis obanassiige.

Dalle mun beanta ožžon panihka, álgen bivastuvvat ja háliidin čiehkádit iige goassige šat oidnot Sámedikkis obanassiige.

Runar Myrnes Balto 

Diet lea čilgehus manin dilli leat mo dat lea. Dieđusge mun háliidan sámástit ain eambbo – ja mu mihttomearri gal lea máhttit sámegiela dan dásis ahte sáhtán juohke áidna sáhkavuorus hupmat sámegiela. Lihkus doppe gávdnojit olbmot geat movttiidahttet, earret eará Gáre Márjá, gii vuittii giellamovttidahttinbálkkášumi. Leat maiddái buorit ortnegat Sámedikkis mat movttiidit, omd. 20 sekundda eanet jus sámástan vai mun ollen jurddašit ja dadjat dan maid mun áiggun. Maiddái dan ahte mis lea giellachat gos oažžu veahki. Dat mii ii movttiidahte nu olu lea «Facebook-shaming»  Ollu giitu baicce buohkaide geat buriid vugiid mielde movttiidahttibehtet!

Dat mii ii movttiidahte nu olu lea «Facebook-shaming»  Ollu giitu baicce buohkaide geat buriid vugiid mielde movttiidahttibehtet!

Runar Myrnes Balto 

-Almmuhus-