Norgga ekonomiija lea ovdánan váttisvuođaid maŋŋel, ja das leat alla áigumušat ja addá nana ovdánanvejolašvuođaid. Stáhtabušeahtas, mii ovddiduvvui diimmá čavčča, lea buorre vuođđu dustet dilálašvuođaid mat mis dál leat. Dan geažil joatkit váldoulbmiliid 2018 reviderejuvvon bušeahtas.
Norgga ekonomiija lea ovdánan váttisvuođaid maŋŋel, ja das leat alla áigumušat ja addá nana ovdánanvejolašvuođaid. Stáhtabušeahtas, mii ovddiduvvui diimmá čavčča, lea buorre vuođđu dustet dilálašvuođaid mat mis dál leat. Dan geažil joatkit váldoulbmiliid 2018 reviderejuvvon bušeahtas.
– Norgga ekonomiija positiiva ovdáneapmi čájeha ahte politihkka doaibmá. Ráđđehus lea riikka dorvvolaččat láidestan hástaleaddji áiggis. Heajos oljohattiid geažil geavahii ráđđehus stáhtabušeahta ulbmillaččat hehtten dihte bargguhisvuođa ja lážii dili nuppástuhttimiidda ja ovdáneapmái. Reviderejuvvon bušeahtta láhčá dili dasa ahte buorit áiggit sáhttet joatkašuvvat, dadjá ruhtadanministtar Siv Jensen (OvB).
Oljoboađuid geavaheapmi
Ráđđehus joatká neutrála ruhtadanpolitihkalaš vuogádaga mii mearriduvvui bušeahta oktavuođas diimmá čavčča. Oljoboađuid geavaheapmi meroštallojuvvo 225,5 miljárdda kruvdnui 2018:s, ja vástida dán jagi 2,7 proseantta Stáhta olgoriikka penšunfoanddas.
Duohta, vuollásaš gollolassáneapmi stáhtabušeahtas meroštallojuvvo 1,7 prosentii.
2018 stáhtabušeahtas áigut ain vuoruhit máhtolašvuođa, johtalusa, dearvvašvuođa ja buriid bálvalusfálaldagaid gielddain. Suodjalus ja vuođđostrukturdoaimmat galget buoriduvvot.
– Buorre ássat
– Ráđđehus geahpeda vearuid, nanne čálgofálaldagaid, buorida riikka sihkarvuođa ja áŋgiruššá dan ovdii ahte eanet gánnáhahtti bargosajit ásahuvvojit. Seammás ráhkkanat boahtteáigái go ovdánahttit ceavzilis čálgoservodagaid. Mii láhčit dili nuppástuhttimiidda ja ruoná molsumii. Das lea sáhka ahte Norga galgá leat riika gos lea buorre ássat, sihke dál ja boahttevuođas, cealká ruhtadanministtar.
