Vahkkoloahpas sáhkkohalle 33 biilavuoddji ja 17:s masse vuodjinkoartta, ja ikte leat vel 10 sáhku čállon biilavuddjiide.
Geaidnopolitiijat leat hui eallasat leamaš dáid beivviid, ja mánnodaga leat maid dárkkistan johtolaga Finnmárkkus.
Dán háve leat leamaš Reaššvuonas, Álttá olggobealde.
Doppe sáhkkohalle ovcci biilavuoddji go vudje beare leahtus.
Eanemus leahttu mihtiduvvui leamen 67 km/d luottas gos ii leat leahttomearri eambbo 50 km/d.
Unjárggas maid ledje geaidnopolitiijat jođus mánnodaga.
Doppe sáhkkohalai okta biilavuoddji gii vujii 75 km/d luottas gos leahttomearri lea 60 km/d.
