-Almmuhus-
-Almmuhus-
-Almmuhus-
OĐĐASATLogis dušše johtolagas geassemánu

Logis dušše johtolagas geassemánu

-

-

– Ii leat čiegus ahte mii jierásnuvvat lihkohisvuođaloguin mat leat dán rádjái 2019:s, dadjá Trygg Trafikk seniorráđđeaddi.

Dán rádjái leat 50 olbmo duššan johtolagas dán jagi, diibmá ledje 45 seamma áiggi.

Dán rádjái leat lassánan MC- ja vázziolbmolihkohisvuođat, buohtastahttojuvvon diimmážin.

– Ii leat čiegus ahte mii jierásnuvvat lihkohisvuođaloguin mat dán rádjái leat 2019:s. Máŋga jagi leat jápminlihkohisvuođalogut johtolagas njiedjan, de lassánii sakka dál giđđat. Čájehuvvo ahte lea ain stuora dárbu bidjat johtolatsihkarvuođadoaimmaid johtui, dadjá Trygg Trafikk seniorráđđeaddi, Bård Morten Johansen preassadieđáhusas.

Logi olbmo dušše johtolagas geassemánu, vihtta biilavuoddji ja vihtta MC-vuoddji. Diibmá dušše 12 olbmo geassemánu, ja geassemánnu lea dat mánnu mas lihkohisvuođalogut leat leamaš hui allat.

– Álggogeahčen geassemánu leat leamaš unnit lihkohisvuođat go diibmá, muhto seammás mii diehtit ahte oallugat leat buohcceviesuin maŋŋel johtolatlihkohisvuođaid geat leat bahuid roasmmehuvvan geassemánu. Ain oaidnit duođalaš johtolatlihkohisvuođaid, mihttu lea ahte ii oktage galggašii duššat dahje garrasit roasmmehuvvat johtolagas, dadjá Johansen.

-Almmuhus-