Diibmá ledje 160 guovžža Norggas. Dát lea logi eambbo go jagi ovdal, ja alimus lohku registrerejuvvon riikkas 2010 rájes.
Bohtosat leat raporttas man NIBIO Svanhovd lea ráhkadan Rovdata ovddas.
2021:s lei 13. jahki gos čogge iskosiid guovžžain vai besset DNA-analyseret. Diibmá analyserejedje 1513 iskosa.
– Oktiibuot leat identifiserejuvvon 160 guovžža. 67:s ledje njiŋŋelasat, ja 93:s ledje varis guovžžat. Nu go ovdalis, de leat eanemus guovžžat Romssas ja Finnmárkkus (68), Innlánddas (66) ja Trøndelágas (25), muitala Jonas Kindberg, gii lea Rovdata jođiheaddji.