-Almmuhus-
OĐĐASATLogi diŋgga maid mátkedáhkádusat eai govčča

Logi diŋgga maid mátkedáhkádusat eai govčča

-

-

Sáhttá buorre iskat ovdal geasseluomu guđiid áššiid mátkedáhkádusat gokčet go leat luomus.

Mánnodaga álggii oktasaš luopmu olu olbmuin.

Olu olbmot geat vulget mátkkoštit doivot ahte mátkedáhkádus gokčá visot mii sáhttá geavvat, muhto nu ii leat.

 

Danne sáhttá buorre iskat ovdal geasseluomu guđet áššit leat bajimusas Tryg Forsikring listtuin maid olbmot doivot mátkedáhkádusa gokčat, muhto ii govčča:

  1. Diŋgonmáhcaheapmi áhpehisvuođa geažil. Muhto gokčá diŋgonmáhcaheami buozalmasvuođa geažil. (Áhpehisvuohta ii leat buozalmasvuohta)
  2. Masson bargodienas jus mátki guhku buozalmasvuođa geažil. Muhto gokčá divššu man dárbbahat buozalmasvuođa geažil.
  3. Girdimaŋŋoneapmi streaikka geažil. Muhto gokčá maŋŋonemiid teknihkalaš boasttuvuođaid ja dálkki geažil.
  4. Ruoktotfievrrideapmi unnibuš lihkohisvuođa dahje buozalmasvuođa geažil.
  5. Suoláduvvon/láhppon diŋggat mat oidnosis leat biillas.
  6. Diŋggat suoláduvvon girdis.
  7. Vajálduhttán diŋggaid restoráŋŋii dahje almmolaš báikái.
  8. Mátkediŋggat láhppon, jus ii dieđe mo. Suoládeapmi gokčo, muhto diŋga mii lea gahččan veaskkus eret, dahje lea vajálduvvon, ii leat suoláduvvon.
  9. Buhtadus jus massá luomu go lea buozas, muhto ii nu buozas ahte ferte seaŋggas veallát.
  10. Mátketelefovnna nisttihan eatnamii dahje merrii.
-Almmuhus-