-Almmuhus-
-Almmuhus-
OĐĐASAT Logát luohkáide eksámenveahkki

Logát luohkáide eksámenveahkki

-

-

Bearjadaga lea eksámengeassin nuoraidskuvllain miehtá riikka. Oahppit, geat galget matematihkkaeksámena váldit, ožžot sierra veahki neahta bokte. Reálafágastudeanttat leat ráhkadan neahttaveahki, mii galgá riikka gaskamearálaš árvosáni loktet.

Bearjadaga gessojuvvo makkár eksámena logát luohká oahppit galget váldit. Juogo eaŋgalasgielas, matematihkas, sámegielas dahje dárogielas.

Olu nuorat ballet juste matematihkkaeksámenis, muhto dán jagi lea heahteveahkki daidda ohppiide geat matematihkas bohtet bajás.

Juohke beaivvi, bearjadagas disdahkii, lea vejolaš oažžut veahki neahta bokte. Reálafágastudeanttat veahkehit ohppiid 08:30 rájes gitta 23 rádjái eahkedii.

Ortnega namma lea ENT3R, ja das lea ulbmil loktet riikka gaskamearálaš árvosáni matematihkas. Diimmá 10. luohká ohppiin lei gaskamearálaš árvosátni 3,3.

 

– Jearahit algebra birra

Lea Našunála reálafágarekrutterenguovddáš mii fállá ENT3R, ovttas Lær.no:in.

Diibmá geahččaledje 700 oahppi eksámenveahki. Vásáhusat ledje ahte eatnasat dárbbašedje veahki algebras, livnnegiin ja geometriijas.

– Dávjá lei dušše dárbu oažžut duođaštuvvot ahte lša riekta nu movt ledje jurddašan, lohká Morten Sørlie NTB:i. Son lea ENT3R prográmma našunála koordináhtor.

 

Veahkehit 2 500 oahppi

Goalmmádasoassi ohppiin, birrasii 22 000 oahppi, gessojuvvojit matematihkk eksámenii bearjadaga. ENT3R lea bidjan mihtu nagodit veahkehit 2 500 oahppi. Sáhttá šaddat oalle stuora deaddu, ja danne ávžžuhit várret saji.

Oahppit sáhttet akto humadit bagadalliin, dahje searvat joavkoságastallamiidda. Oahppit sáhttet jearrat dihto čulbmii veahki. Buot oahpahusat báddejuvvojit, ja oahppi sáhttá geahččat dan ođđasit.

 

– Stuorámus dárbu matematihkas

Ii vuos gávdno sullasaš fálaldat sidjiide geat dárogiella- dahje eaŋgalasgiellaeksámena galget váldit.

– Eanemus dárbu lea matematihkas. Jus lea juoga maid ii máhte matematihkas, de lea váttis beassat viidásit. Eaŋgalasgielas dahje dárogielas lea álkit lohkat ieš, ja nu beassat viidásit, lohká Sørlie. ©NTB

- Advertisement -
-Almmuhus-