-Almmuhus-
-Almmuhus-
KULTUVRALogaldallá ealáskahtton gávtti birra

Logaldallá ealáskahtton gávtti birra

-

-

Inga Påve Idivuoma logaldallá odne eahket Porsáŋggu girjerádjosis Porsáŋggu gávtti dutkama birra maid lea bargan.

Inga Påve Idivuoma lea čallan mastergráda «Leavdnjavuona identitehta duddjon, mearrasámi gávtti ealáskahttima guorahallan».

 

Ohcan lassidieđuid gávttiid birra

– Dán dutkamuša ulbmil lea čielggadit iežan guovllu, Leavdnjavuona, gáktehistorjjá. Leavdnjavuona duojárat leat buori barggu dahkan go leat ohcan dieđuid ja ealáskahttán gávtti. Dutkamušastan lea ulbmil geahččalit ohcat lassidieđu ealáskahtton gáktái ja daid dieđuid vuođul duddjot sihke nisson- ja almmáiolbmogávtti. Áiggun maid guorahallat leavdnjavuotnalaččaid identitehta, mii lea čadnojuvvon ealáskahtton gáktái, dadjá Inga Påve Idivuoma dáhpáhusa bovdejumis Facebook-siiddus.


Porsáŋggu ođđamállet gávttit. Preassagovva: Porsáŋggu giellakonsuleanta.

Čuolmmat maid Inga Påve Idivuoma ovdanbuktá giellakafea doaluin odne eahkedis, leat makkár Leavdnjavuona gákti lei ovdal 1900-logu, ja makkár dárbu lei ealáskahttit ja ráhkadit ođđa gávtti. Logaldallan lea Porsáŋggu girjerádjosis diibmu 18.00.

-Almmuhus-