Badjel 100 giđđaloddejeaddji besset bivdit čáhcelottiid lávvordaga diibmu 00:00 rájes.
Badjel 100 giđđaloddejeaddji besset bivdit čáhcelottiid lávvordaga diibmu 00:00 rájes.
Fiehta, stuoravuojaš (bunasuorsa) ja goalsi leat lottit maid oažžu bivdit, ja dušše varis lottiid lea lohpi báhčit. Suohkan lea dál almmuhan gii oažžu galle lotti báhčit. (Listtu gávnnat áššis vuollelis).
Loddenálgin lea biddjon miessemánu 21. beaivái diibmu 00:00 ja bistá miessemánu 30. beaivái diibmu 00:00.
150 lotti
Juohke jagi lea lohpi báhčit 150 lotti oktiibuot, eai ge galgga eanet go 100 fiehttaga báhčit. Bivdináigodat bistá logi beaivvi ja lea Finnmárkkuopmodat ovttas Guovdageainnu suohkaniin mii almmuha bivdináigodaga.
Guovllut gos oažžu bivdit leat:
1) Čalbmejávri, Luovosjávri, Luovosluoppal, Áidejávri ja Lahppojávri
– Guovdageaineanus Ákšomuotkki šalddi rájes gitta Suohpatjoganjálmmi rádjái, Láhpposullo rájes gitta Láhppojoganjálmmi rádjái (earret Mieronjavvi), Habatguoikkas gitta Mázejoganjálbmái, ja Čievraniellis Vuolle-Mázes gitta Heastanjárgga rádjái Latnetjávrris.
2) Sihččasaiva, Roggeluopppal Galaniitu bokte ja Ragesluoppal.
Geahča dás galle lotti guhtege oažžu báhčit. Dušše okta beassá báhčit guokte fiehttaga.
