-Almmuhus-
-Almmuhus-
-Almmuhus-
OĐĐASAT– Loddebivdit berrejit buoridit miellaguottuideaset

– Loddebivdit berrejit buoridit miellaguottuideaset

-

-

Boazopolitiijahoavda Per Valved lei Guovdageainnus doallame čoahkkima čáhceloddebivdiid berošteaddjiservviin Sámi Bivdo- ja Meahcástanservviin. Son lei maid bovden Guovdageainnu leansmánni čoahkiimii.

Boazopolitiijaid hoavda Per Valved muitala ahte son deattuhii čoahkkimis ahte ferte buoridit miellaguottuid bivdiid gaskkas, ja mieđihii ahte čoahkkin lei daid maŋemus lobihislodden dáhpáhusaid geažil nammasuvvon.

 – Mun bessen min oainnuid buktit, ja muitalit sidjiide movt mii ain bargat viidáset bivddu oktavuođas, muitalii Valved.


GUOVDAGEAINNU LEANSMÁNNI: Klemet Klemetsen ávžžuha bivdiid doahttalit lágaid.
Govven: Nils Johan Vars

Gohčču doahttalit lágaid

Guovdageainnu leansmánni Klemet Klemetsen maid ávžžuha loddebivdiid doahttalit lágaid ja njuolggadusaid.

 – Diehttelasat fertet mii politiijaid bealis reageret go muhtumat lágaid rihkkot, dat lea áibbas čielggas, lohká son.

Liikká lei sus buorre sáhka bivdiide geat galget loddet vuolgit:

 – Mii eat boađe reageret gal jus dola dahka čilá duohken ja gáfe vuoššasta, lohká son loahpas.

 

-Almmuhus-