-Almmuhus-
OĐĐASATLobihis skohtervuodjin šaddan dábálaš

Lobihis skohtervuodjin šaddan dábálaš

-

-

Lobihis muohtaskohtervuodjin gildojuvvon báikkiide lea lassánan Ruoŧas.

Ruoŧa leana gieddeossodaga bargi Alexander Winiger muitala Ruoŧas lea muhtin guovlluin ollásit dahje muhtin muddui gildojuvvon vuodjit muohtaskohteriin, muhto olusat rihkkot dán gildosa, cállá svt.se.

– Lea šaddan eambbo ja eambbo lobihis muohtaskohtervuodjin dáid gildojuvvon guovlluin mat leat álbmotmeahcit ja luonddureserváhtat, lohká Winiger.

 

Son muitala son oaidná dán go olbmuid cavgileamit leat lassánan, muhto maid ahte Leanastivrra bargoveahka oaidná ahte gildojuvvon guovlluin vudjet eambbo.

Winiger muitala sii oidnet maid sosiála mediain mo olbmot digaštallet dan birra.

Winiger muitala beassážiid áiggi vudjet olbmot eanemusat muohtaskohteriiguin ja Leanastivra muitala sis lea liige bearráigeahčču dán áiggi.

-Almmuhus-