– Juohke beaivvi duoguštit poastapáhkaid main leat lobihis dálkasat, ja oaidnit ahte norgalaččat diŋgojit narkotihkaid, gievrudandálkasiid ja lobihis dálkasiid interneahtas, muitala Duollodoaimmahaga dárkkistusguovddáža seniorráđđeaddi Anders Flekke.
– Juohke beaivvi duoguštit poastapáhkaid main leat lobihis dálkasat, ja oaidnit ahte norgalaččat diŋgojit narkotihkaid, gievrudandálkasiid ja lobihis dálkasiid interneahtas, muitala Duollodoaimmahaga dárkkistusguovddáža seniorráđđeaddi Anders Flekke.
Norgga duollárat gávdne lobihis dálkasiid 286 poastapáhkain go iske 1286 páhka, ja biebmobearráigeahčču gávnnai lobihis buktagiid maid kosmetihkkavuovdi jođiha olbmuide.
Gávdne maid sullii 20 páhka main lei antibiotihka poastapáhkain.
– Páhkain ledje poteansadálkasat, antidepresiivvat, hormonat, dálkasat mat jeđđejit ja antibiotihkka ledje dat dálkasat maid gávdne eanemus, dieđiha Duollodoaimmahat preassadieđáhusas.
Dárkkistanakšuvdna čađahuvvui 123 riikkas, čakčamánu 12.beaivvis gitta 19.beaivái, ja lea Interpool mii jođihii akšuvnna mas lea namma operašuvdna Pangea X.
Akšuvnna ulbmil lei gávdnat lobihis dálkasiid ja medisiinnalaš ávdnasiid.
Akšuvnnas lei lagas ovttasbargu Duollodoaimmahagas, Dálkkasruvkkes, Biebmobearráigeahčus, Dearvvašvuođadirektoráhtas ja Kriposis.
