Govvadáiddárat Marja Helander ja Outi Pieski leaba suhttan go Kiasma musea lea oastán filmmaža dáiddagalleriijai mas geavahuvvo «fakegákti».
Govvadáiddárat Marja Helander ja Outi Pieski leaba suhttan go Kiasma musea lea oastán filmmaža dáiddagalleriijai mas geavahuvvo «fakegákti».
Okta oassi Suoma našunálagalleriijas, Kiasma-musea, lea oastán dáiddafilmma mas geavahuvvo gákti mii ii leat albma gákti, muhto nu gohčoduvvon «fakegákti».
Dáiddárguovttos Marja Helander ja Outi Pieski cuiggodeaba Kiasma-musea go leat oastán dán filmma sisa iežaset čoakkáldahkii 2012:s.
Álgoálbmogiid kultuvrralaš ávkkástallan
Dáiddárguovttos eaba sáhte ipmirdit go musea lea oastán dán filmma iežaset čoakkáldahkii, ja sudno mielas lea «fakegákti» mielde filmmas dušše eksohtalaš oasi dihte, čállá Yle Sápmi.
– Munno mielas Álbmotgalleriija lea symbolalaččat dohkkehan álgoálbmogiid kultuvrralaš ávkkástallama, Helander guovttos Pieskiin čálliba lohkkiidčállosis Sámegávtti ávkkástallan lea loavkašuhtti – Kiasma ii oro berošteamen das.
Filbma almmuhuvvui 2011:s, ja lea oktii ovdal leamaš mielde čájáhusas. Dál čájehit fas filmma, ja filmma govva almmuhuvvui Helsingin Sanomat aviissas moadde vahkku dás ovdal.
Šálloša
Arja Miller šálloša ja deattuha ahte Kiasma ii hálit soardit sápmelaččaid, muhto báicce bealuštit sin.
– Mus lea hui heajos dovdu, go Jenni Hiltunen dáiddaduodji mo nu čatná muhtin Kiasma jurdagiidda sápmelaččaid sajádaga birra. Dieđusge mii háliidit bealuštit sápmelaččaid sajádaga ja leat dan oaivilis, ahte buot originálakultuvrraid galggašii meannudit olu buorebut. Muhto dát dáiddaduodji ii gieđahala min mielas sápmelašvuođa. Das leat eará ánssut, maid dihtii mii leat háliidan oastit dan iežamet čoakkáldagaide, dadjá Miller.
Kiasma čoakkáldagaid bargi Arja Miller mielas filbma lea boastut ipmirduvvon iige das leat sáhka sápmelaččain, baicce musihkkavideokultuvrras ja Jamaica dánssas. Dán čállá Yle Sápmi neahttasiiddus.
Geahča filmma dás:
GRIND from Jenni Hiltunen on Vimeo.
