Loabágis čalmmustahttet Sámi álbmotbeaivvi máŋgga ládje. Álggos levgemin sihke Loabága skuvllas ja Loabága suohkanguovddážis. Dasto rahppo Loabága eaktodáhtolaš guovddáš buohkaide diibmu guovttis, gos dollet gáffádaga rabasin. Borramuššan lea biđus.
Eaktodáhtolaš guovddážis leat maid suohttasat, nugo njorostallan olgun ja lávlunboddu.
Maiddái lea vejolaš govvehit nuvttá portreahttagova alddis. Dán fállá govvejeaddji Heidi Karlssoniin, ja lea vejolaš oastit gova.
Dasa lassin sárdnida sátnejođiheaddji Hege Rollmoen, Johan Roar doallá logaldallama, kultuvrralaš ovdánbuktimat ja korpsa maid čuojaha olggobealde.
Golmma áigge lea maid Loabága girjorájus rabas, gos skuvlaohppiin lea čájáhus, ja guossohit gáfe ja leavssaid gussiide.
Guđa áigge lea Loabága girkus ipmilbálvalus suohkanbáhpa Stig Kaarstad bokte. Ipmilbálvalus dulkojuvvo sámegillii.
