-Almmuhus-
OĐĐASAT Liza mátkkoštan jándora ollet MGP:i 

Liza mátkkoštan jándora ollet MGP:i 

-

-

Davvi-Norgga MGP-finalista bázi measta boasttu girdišiljui

Liza Vassilieva vuittii Davvi-Norgga oassefinála ja beasai mielde Melodi Grand Prixa finálii mii lea lávvardaga Tråantes.

Vassilieva lea vuolgán Girkonjárggas diibmu golmmas ihkku, vai galgá joksat dan vuosttaš girdi mii mánná Romsii. Gaskas galgá vel girdi bisanaddat máŋgga báikkis ovdal olle Romsii ja doppe fas viidáseappot Bådåddjui.

Vassilieva lei vuolgán Girkonjárggas golmma áigge ihkku, ja lei šaddan bisanaddat vel máŋgga sajis ovdal olli Romsii, ja ovtta dain bisánemiin manai measta boastut, go Vassilieva bázi measta boasttu girdišilljui.

— De fertii muhtin munnje muitalit ahte lei boasttu girdišilju, muitala Vassilieva NTB:i

Go de Vassilieva vulggii Romssas de bisánii vel Bådådjos ja de easka girdilii Troandimii.

Dál lea Vassilieva ráhkkaneame Grand Prixii ja sus leat moadde konkrehta mihttu.

— Leat guokte tiŋgga mainna áiggun bargat, dat leat lávlut veaháš čielgaseabbo ja moddját veahá eambbo.

(©NTB)

- Advertisement -
-Almmuhus-